Galdakao Zeugaz
ALCk Galdakaoko Udalak bultzatutako Foro Soziosanitarioaren ekimena laguntzen du, gizarte-berrikuntzaren eta entzute aktiboaren ikuspegitik. Lankidetza honen helburua udalerriko osasun eta ongizate sistemaren birpentsatzea ahalbidetuko duen estrategia lokal berri baten diseinuan laguntzea da.
Proposamena lau lan-ildo nagusitan egituratzen da:
- Galdakaoko osasun eta ongizate ekosistemarekin lotutako eragile eta ekintzen mapaketa, elkarren arteko loturak eta lankidetza-aukerak identifikatzeko.
-Udalerriko osasun eta ongizateari buruzko narratiben identifikazioa, ikuspegi anitzak agerian jarriz eta aldaketarako aukerak baldintzatzen dituzten pertzepzioak detektatuz.
-Lurraldeko eragile nagusiekin (osasun zentroak, farmaziak, elkarteak, gizarte erakundeak, talde feministak, kirol klubak, merkatariek eta beste batzuk) eztabaidarako guneak sortzea, jasotako informazioaren interpretazio kolektiboa egiteko.
-Ko-kreazioan laguntza ekintza-proposamenen sorkuntzan, lehendik dauden narratiba eta ekintzen azterketa bateratuaren bidez, osasun eta ongizatearen komunitate-eredu inklusibo eta iraunkorrago baten eraikuntza bideratzeko.
Enfoke metodologikoa
“Ingurune errukitsuak” txostenak agerian utzi du Euskadin bakarrik dauden, gaixorik dauden edo familia- eta gizarte-sare oso txikia duten pertsona asko daudela mendekotasun-egoeran, zainketa aringarrietan, bizitzaren amaieran, heriotzan eta doluan. Egoera horiek areagotu egiten dira biztanleriaren zahartze prozesuaren eta Covid-19aren pandemiak eragindako larrialdi egoeraren ondorioz. Izaera konplexu horrek eragotzi egiten du sanitarioa bakarrik den erantzunek edo zerbitzu publikoek beren kabuz bakarrik garatzen dituzten proiektuek inpaktu eraldatzaileak izatea nahi ez den bakardadearentzat.
Sistema konplexuetako berrikuntza-prozesuek (hala nola zainketei, osasunari eta ongizateari lotutako problematikek) zailtasunak sortzen dituzte kudeaketa- eta ebaluazio-sistema tradizionalenentzat. Argi eta garbi zehaztutako helburuekin lan egin beharrean, berrikuntza soziala saiatzen da alde interesdunen arteko harreman berriak sortzen, eragile sare berriak garatzen, prototipo berrien garapena sustatzen eta baliozkotutako ereduak eskalatzen. Era berean, horrelako prozesuek aldaketak eta doikuntzak egin behar dituzte denbora errealean.
