Categoría K aldizkaria
Elkarrizketa Bizkaia Irratian K aldizkariari buruz (2024.07.17): "Pintxo-potearen benetako prezioaren atzean dagoana aztertu dogu"
K aldizkaria, euskal gizartearen eraldaketa bultzatuz
K aldizkaria Agirre Lehendakaria Centerren argitalpena da. Agirre Lehendakaria Centerrek, 2013an Euskal Herriko Unibertsitateak (UPV/EHU) New Yorkeko AC4-Columbia Unibertsitatearekin lankidetzan sortutako Gizarte Berrikuntzako Zentroa da, eta gizartea eraldatzeko prozesuak sustatzen ditu, aldaketaren eragile gisa kulturan oinarritutako Gizarte-Berrikuntzako Plataforma irekien bidez.
Giza Garapen Iraunkorrerako bidean aurrez aurre ditugun erronkei buruz modu kolektiboan hausnartzeko eta euskal gizartearen eraldaketa bultzatzeko asmoz, gure hamargarren urteurrenean, K aldizkariaren 0 zenbakia kaleratu genuen, esperimentu gisa. Ale horrek zentroaren lan-ildoak eta gizarte gisa ditugun erronka handien planteamendua jaso zituen.
Zero alearen ondoren, K aldizkariaren lehen alea dator, “Zer da euskal gastronomia gaur egun?”, non arreta gastronomian eta elikadura-sistemetan jartzen dugun, gizartea eraldatzeko motoretzat hartuz.
Gai hauei buruzko hausnarketa kolektiboa egiteko asmoz, gizarte berrikuntzatik sektorearen funtsezko alderdiak jorratzen dituzten hainbat eragilerekin elkarlanean ari gara, besteak beste, Unai Pascual ekonomialari ekologikoarekin, Eneko Atxa sukaldariarekin, Rocio Sánchez BIAAFeko (Bilbao International Art and Fashion) kidearekin, Sasha Correa kazetariarekin eta Harkaitz Cano idazlearekin. Era berean, Gipuzkoako Ostalaritza Elkartea, EDE Fundazioa, elBullifoundation eta Hemendik elkarteek parte hartzen dute. Aldizkariak Vicente Paredesen argazkiak eta Angelica Barcoren diseinua ditu.
Zainketak dira gure gizarteak dituen erronka nagusien muina. Horregatik, K aldizkariaren bigarren zenbakia Euskadin izango dituzten etorkizunari buruz hausnartzera bideratuko dugu.
Zahartze bizkorreko testuinguru batean, zaintzei ikuspegi integral batetik heltzen diegu: komunitatetik, familiatik, politikatik, ekonomiatik eta teknologiatik. Edizio honetan, zainketak hainbat ikuspegitatik aztertzen dituzten pentsalari, ikertzaile eta kolektiboek parte hartzen dute. Pikara Magazine eta EH Bilgune Feminista bezalako erakundeek ere parte hartzen dute. Argazkiak Vicente Paredesenak dira eta diseinua Angelica Barcorena da.
K aldizkaria opari bat da, doan eta eskariz banatzen dena. Hurrengo estekaren bidez eska dezakezu. La Sinsorga, ANTI Liburudenda, AS Fabrik, IED Kunsthal, La Perrera eta laster sare sozialetan iragarriko ditugun gune gehiagotan ere aurki dezakezu. Gurekin konektatu.